ငမိုးရိပ်အ၀င်နှစ်ဖာလုံ

(၁)
 'လူတစ်ဦး ပူမှုရယ်တဲ့ ဆယ်ကုဋေ' တဲ့။ လူတွေကြားမှာ သုံးနေတဲ့စကားလေးတစ်ခုပါပဲ။ ကျုပ်က လူမဟုတ်တော့ အဲ့ဒီစကားက ကျုပ်နဲ့မဆိုင်လှပါ ဘူး။ မဆိုင်ဆိုရင်လည်း အစကကျုပ်ဘ၀မှာ ပူမှုဆိုတာမှမရှိခဲ့ပဲကိုး။ ဟော . .တကယ့် တကယ်ပူမှုတွေဝင်လာချင် တော့လည်း အကြောင်းမကြားဘာမကြားနဲ့ ဟောတစ်ခု၊ ဟောတစ်ခုဆိုသလို ဆက်တိုက်ကြီးဝင်လာခဲ့တာကိုး။ ကျုပ်ကလည်း ကျုပ်ပဲလေ။ စောစောပိုင်းကဆိုဝင်လာသမျှ ပူမှုတွေကိုတောင် အားရ၀မ်းသာလက်ကမ်း ကြိုဆိုနေချင်ခဲ့သေးတာ။ ကျုပ်ရဲ့အထီးကျန်ဘ၀လေး စိုပြည်လာတယ်လို့တောင် ကျုပ်ကသတ်မှတ်နေခဲ့သေးတာ လေ။ တကယ်လည်း ကျုပ်ရဲ့အထီးကျန်ဘ၀လေးက ထိုက်သင့်သလောက် စိုပြည်နေခဲ့ပါသေးတယ်။ ကျုပ်ဆိုတာ များ 'ဒုက္ခကိုအားရ၀မ်းသာလက်ကမ်းကြို' ဆိုသလို ၀င်လာသမျှ ဒုက္ခတွေကို ဘာမသိ၊ ညာမသိကို မျက်စိ မှိတ်ကြိုဆိုနေခဲ့တာ။ စောစောပိုင်းက ကာလတစ်ခုအထိပေါ့။ အခုလိုကျုပ်ရဲ့ဘ၀ကြီးနဲ့ ရင်းရမယ်ဆိုတာ အစကတည်းက ကျုပ်သိနေခဲ့မယ်ဆိုရင်တော့ အခြေအနေ ဟာ ဘယ်ဒီလိုဖြစ်လာတော့မလဲ။ အခုလိုကြီးဖြစ်လာခဲ့ပြီးမှတော့ ကျုပ်ရဲ့အရင်လိုဘ၀ကို သေလောက်အောင် ပြန်လိုချင်နေရင်လည်း နောက်ကြောင်းပြန်စိတ်ကူးယဉ်ဇာတ်တစ်ပုဒ်လို ဖြစ်နေမှာကလွဲလို့ ကျုပ်ဘာမှတတ်နိုင် တော့မှာမဟုတ်ဘူးလေ။ (၂) ကျုပ်ရှိနေတဲ့နေရာကို ပထမဆုံးရောက်လာတဲ့ သူကနည်းနည်းထူးခြားပါတယ်။ သူ့ကိုတော့ ဒုက္ခလို့ ကျုပ်က မသတ်မှတ်ပါဘူးလေ။ ဘာလို့လဲဆိုတော့ သူ့အရင် ကျုပ်ဆီကို ဘယ်သူမှရောက်မလာခင်ကာလတုန်းက ကျုပ်ဆိုတာများ ဘယ်လိုနေရမှန်းမသိအောင်ကိုပျင်းလို့။ သူရောက်လာတော့မှ ကျုပ်မှာလည်း လေ့လာစရာ၊ စူးစမ်းစရာတိုးလို့ ကျုပ်ဘ၀လေးနေသာထိုင်သာရှိသွားတာ။ ကျုပ်ဆီပထမဆုံးရောက်လာတဲ့သူလေ။ ရောက်တဲ့နေ့ကဆို ကျုပ်မှာအံ့သြပြီးရင်း အံ့သြလို့။ ဒီပုဂ္ဂိုလ်က အသက်အားဖြင့်ရှိလှ ငါးဆယ်အလွန်အကျွံပါ။ ဒါကလည်း ရင်းနှီးမှ ကျုပ်ကအခြေအနေမှန်ကို ခန့်မှန်းရတာ။ ကျုပ်ဆီရောက်လာတဲ့နေ့က ဒီပုဂ္ဂိုလ်ကြီးကြည့်ရတာ အသက်ရှစ်ဆယ်ကျော်၊ ကိုးဆယ်ကြီးလို့တောင်ထင်စရာ။ ဒီပုဂ္ဂိုလ်ကြီးကိုကြည့်ရတာ ခါးကကိုင်းကိုင်းဆိုတာမှမျက်နှာနဲ့မြေကြီးကွာလှ နှစ်တောင်ပေါ့။ တောင်ဝှေးတစ်ခုကို လည်း တစ်ကိုယ်လုံးမှာရှိသမျှအားတွေနဲ့ စုပြုံဖိလို့ 'ဒေါက် . .ဒေါက် . .ဒေါက်' ဆိုတဲ့အသံတွေနဲ့အတူ ကျုပ်ဆီကို ရောက်လာခဲ့တာ။တောင်ဝှေးရဲ့ထိပ်ဖျားမှာလည်းြွေမရုပ်လိုလို၊ နဂါးရုပ်လိုလို အရုပ်တစ်ရုပ်ကို သင်္ဘောဆေးလားဘာလား မသိတဲ့ ဆိုးဆေးတစ်ခုနဲ့ ဆိုးထားသေးတာ အရောင်ကိုရဲလို့။ မုတ်ဆိတ်မွှေး၊ နှုတ်ခမ်းမွှေးတွေကလည်း နီကျင် ကျင်၊ ဖြူရော်ရော်အရောင်တွေလွှမ်းလို့ အောက်ကိုကောက်တိကောက်ကွေး တွဲရရွဲကျနေတာခါးကိုင်းနေတဲ့သူဆို တော့ မြေကြီးနဲ့ထိလုထိခင်ကိုဖြစ်လို့။ သျောင်ပုံစံလို ထုံးထားတဲ့ဆံပင်တွေက သျောင်ထဲမှာတစ်ခိျု့၊ ပြေထွက်ကျနေတာတစ်ခိျု့နဲ့ ဗရုသုက္ခဖြစ်နေ ပုံကလည်း ပဲကြာဆံတွေ နာဂစ်မုန်တိုင်းဝင်မွှေ့ခံထားရတဲ့အတိုင်း။ အံမယ် . .အထက်အောက်ဝတ်စုံကျတော့ ပုဆိုးမှာ ၀ါကျင်ကျင်လေးအနည်းငယ်စွက်နေရုံကလွဲလို့ အဖြူရောင်လွလွလေးကိုမှ လွင်လို့ဆိုရမယ့်ပုံလေး။ လည်ပင်းမှာဆွဲထားတဲ့ ပုတီးကျတော့လည်း ငုံးဥပြုတ်တွေသီထားသလား ထင်မှတ်ရအောင် ပြူးထွက်လို့။ အရောင်တွေလွင့်ပြယ်လို့ နဂိုမူလအရောင်က ဘာအရောင်မှန်းခန့်မှန်းလို့ မရနိုင်တော့တဲ့ လွယ်အိတ်ထဲမှာတော့ သတင်းစာစက္ကူလိုလို၊ စာတွေရေး၊ အင်းကွက်တွေဆွဲထားတဲ့ စာရွက်စာတမ်းတွေနဲ့ ရှုပ်ယှက်ကိုခတ်လို့။ ကျုပ်က တော့ သူကျုပ်ဆီကိုစပြီးရောက်လာတာနဲ့ စိတ်ထဲကနေ နာမည်တစ်ခုကိုပေးလိုက်ပြီ။ 'မုတ်ဆိတ်ဖြူဘိုးတော်ကြီး လို့'လေ။ မုတ်ဆိတ်ဖြူကြီးကစေ့ထားတဲ့ တံခါးတစ်ချပ်ကို တောင်ဝှေးနဲ့တွန်းထုတ်လို့ ကျုပ်ရဲ့နယ်နိမိတ်ထဲကို ရောက်လာတာနဲ့တင်ပါးစပ်က တိတ်တိတ်လေးရေရွတ်လိုက်သံကို ကျုပ်က ကြားလိုက်တယ်။ 'အလို . .ဖုန်တွေနဲ့မွှန်ထူနေပြီး လူမနေတဲ့ အိမ်အိုကြီးပါကလား'တဲ့။ ကျုပ်ဖြင့်ရယ်ချင်ရောလေ။ 'ဖုန်တွေနဲ့မွှန်ထူပြီး ရှိမနေရအောင် ကျုပ်ကိုအဆင့်မြင့်ကွန်ဒိုတိုက်ခန်း များ အောင့်မေ့နေသလားမသိ' ဆိုပြီးတော့လေ။ ကျုပ်ကသူပြောသလို အိမ်အိုကြီးဖြစ်နေလို့လည်း သူအခမဲ့ ၀င်ပြီးတည်း လို့ရတယ်ဆိုတာ သိသိကြီးနဲ့ သူပြောထွက်တာကိုပြောပါတယ်။ ဘာပဲဖြစ်ဖြစ် ကျုပ်ကတော့ အနေအထားကို ခန့်မှန်းသဘောပေါက်လိုက်ပါပြီ။ ကျုပ်ရှိနေတဲ့ နေရာက တောင်ဥက္ကလာဘက်ကလာရင် သင်္ဃန်းကျွန်းကို ၀င်တယ်ဆိုရုံလေး။ သင်္ဃန်းကျွန်းကိုဝင်ဖို့ ငမိုးရိပ်ရပ်ကွက်ဆိုတာ ကိုရောက်ဖို့ နှစ်ဖာလုံလောက်အလိုမှာတည်ရှိနေတာလေ။ ဟိုး . .ခပ်လှမ်းလှမ်းမှာလည်း ညဘက်အထိ ဂက်(စ်) စောင့်ပြီးဖြည့်နေကြတဲ့ ကားတန်းကြီးက တစ်သီတစ်တန်းကြီး။ ကားတန်းကြီးနားမှာလည်း ညပိုင်းဆိုရောင်စုံ မျက်နှာပိုင်ရှင်လေးတွေက ရှုပ်ယှက်ခတ်နေကြတာ အသည်းယားမျက်စေ့နောက်ချင်စရာ။ ပြီးတော့ ကျုပ်ဆီကဆက်ပြီးသွားရင် ဘာဝေးလို့တုန်း။ ရန်ကုန်အခေါ် တစ်ဘလောက်၊ ပုသိမ်အခေါ် တစ်တိုင်၊ မန္တလေးအခေါ်ဆို တစ်ပြပေါ့။ အဲ့ဒီမှာစံပြဈေးဆိုတာကြီးက ဟည်းလို့။ ဆိုတော့ မုတ်ဆိတ်ဖြူ ဘိုး တော်ကြီးလို့ ကျုပ်နာမည်ပေးထားတဲ့ ဒီပုဂ္ဂိုလ်ကြီးက ကျုပ်ဆီမှာတည်းလို့၊ ခိုလို့ စံပြဈေးဘက်မှာ စီးပွားရှာပေ မပေါ့။ ခြုံငုံခန့်မှန်းပြီးလို့ ကျုပ်ပြုံးစိစိဖြစ်နေတာဘာကြာသေးတုန်း။ အသံထွက်ရယ်ချင်လောက်အောင် မုတ်ဆိတ် ဖြူကြီးတို့လုပ်ချလိုက်ပုံလေ။ ကြည့်ပါလား။ အိမ်ထဲရောက်လို့မှ မိနစ်ပိုင်းမကြာသေးဘူး။ ၀င်လာတဲ့တံခါးရွက်ကနေ ကုန်းကုန်းကွကွနဲ့အပြင်ကိုချောင်း လို့၊ စိတ်ချရပြီဆိုတဲ့ အနေအထားရောက်လို့ထင်ပါရဲ့။ အတွင်းဘက်ကိုပြန်ဝင်၊ တစ်လမ်းလုံးအားပြုလာတဲ့ တောင်ဝှေးကို ခေါင်းရင်းဘက်အခန်းဆီ စွေ့ကနဲပစ်လိုက်ပြီး ခါးဆန့်၊ ခြေဆန့်လုပ်လိုက်တော့မှ။ လား . .။ လား . .။ နည်းတဲ့အရပ်အမောင်းမဟုတ်ပါလား။ ကျုပ်အဲ့ဒီလို အံ့သြမှုတွေနဲ့ မှတ်ချက်ချနေတုန်း မုတ်ဆိတ်ဖြူ ဘိုးတော်ကြီးက နှုတ်ကနေတိုးတိုးလေးရေရွတ်လိုက်သံကို ကျုပ်က ကြားလိုက်တာ။ ဘာတဲ့။ 'အာပါး . . အခုမှပဲ တစ်နေကုန်ညောင်းလာတာ ပြေရတော့တယ်။ အမလေး . .ကျွတ်ကျွတ်' တဲ့။ (၃) ဒုတိယမြောက်ရောက်လာတဲ့ ဧည့်သည်အကြောင်းပြောရရင်တော့ ကျုပ်ပါစိတ်ဖောက်ပြန်သွားချင်တယ်။ တကယ်။ သူမကတော့ သွက်သွက်ခါတဲ့အဆင့်ကိုမရောက်ပေမဲ့ စိတ်တော့လုံးဝမနှံ့နေတဲ့ အမျိုးသမီးတစ်ယောက် လေ။ ရောက်လာစကတော့ မချောကို ကျုပ်ကတစ်ကိုယ်တည်းလို့ထင်တာ။ အခုတော့ ဘယ်လာဟုတ်လိမ့်မလဲ။ ဘယ်အချိန်ကများ ဘယ်လိုသကောင့်သားနဲ့အကြောင်းပါလာတယ်မသိပါဘူး။ ရှေ့ကိုပြူစစကိုယ်ဝန်တစ်ခုဟာ စူတူတူနဲ့ပါလာလေရဲ့။ ကျုပ်နေတဲ့ ပတ်ဝန်းကျင်ရယ်၊ လူနေမှုစရိုက်ရယ်ဆိုတာကလည်း စိတ်မနှံ့နေတဲ့အမျိုးသမီး တစ်ယောက်ရဲ့ လုံခြုံမှုအတွက်တောင် စိုးရိမ်ရေမှတ်က ပြချင်နေတာလေ။ ဒီအမျိုးသမီးရောက်လာပုံကလည်း ခပ်ဆန်းဆန်းရယ်။ ဆန်းဆိုလည်းကြည့်။ ကျုပ်ဆီကိုမုတ်ဆိတ်ဖြူ ကြီးဝင်လာသလို အိမ်ရှေ့ဆီက၀င်လာတာမဟုတ်ပဲ လူတစ်ရပ်လောက်နီးပါးမြင့်တဲ့ စည်းရိုးကိုကျော်လို့၊ ခွလို့ နောက်ဖေးအပေါက်ကနေ တိတ်တိတ်လေးဝင်လာတာ။ ဒါကို မုတ်ဆိတ်ဖြူကြီးက မြင်ဖြစ်အောင်မြင်သွားလိုက် သေးလေ။ တစ်နေကုန်အလင်းရောင်ခိျု့တဲ့တဲ့ သူလိုသရုပ်ဆောင်ထားရတဲ့ သူမို့လားမသိပါဘူး။ ညပိုင်းဆိုရင် မုတ်ဆိတ်ဖြူကြီးရဲ့မျက်လုံးတွေဆိုတာများတယ်ပြီးအားကောင်းပေါ့။ 'ဟိတ် . .ဘယ်သူတုန်း' ဒါကတော့ 'ဘယ်သူ ဘယ်ဝါပါလိမ့်' ဆိုတဲ့အတွေးနဲ့မင်တက်နေတဲ့ မုတ်ဆိတ်ဖြူကြီးကို မေးလိုက်တဲ့ မေးခွန်းပါပဲ။ မုတ်ဆိတ်ဖြူကြီးလည်း တန်ပြန်မေးဖို့ စဉ်းစားလိုက်တယ်ဆိုရင်ပဲ သူ့မျက်လုံးအကြည့်တွေက တစ်နေရာမှာ ရပ်တန့်သွားပြီး ဘာပြောရမှန်းမသိဖြစ်သွားတယ်။ ဟိုအမျိုးသမီးပေါ့။ စူတူတူနဲ့ရှေ့ကိုအနည်းငယ်ပူထွက်နေတဲ့ ၀မ်းဗိုက်ကိုကော့လို့ 'စမ်းရဲရင်လာစမ်းလေ' ဆိုတဲ့ အချိုးမျိုးနဲ့ ဟောင်ကောင်ဂျက်မ ဒီဇိုင်းဖမ်းထားလိုက်တာ။ ဒီပုံစံမြင်ကတည်းက ဒီအမျိုးသမီးရဲ့အခြေအနေကို မုတ်ဆိတ်ဖြူ ကြီးက ခန့်မှန်းမိလောက်ရောပေါ့။ မုတ်ဆိတ်ဖြူကြီးက ဘာမှမပြောတော့မှပဲ အမျိုးသမီးလည်းပါလာတဲ့ အထုပ်ကို ဖြေ၊ စောင်စုတ်၊ ခြင်ထောင်စုတ်၊ အစုတ်ပေါင်းများစွာကိုဆွဲထုတ်လို့ နေရာချနေလိုက်တာများ အနှစ်နှစ်အလလက နေလာတဲ့ သူ့အိမ်သူ့ယာအတိုင်း။ မုတ်ဆိတ်ဖြူကြီးကလည်း ဟိုချောင်း၊ သည်ချောင်းတချောင်းချောင်းနဲ့ အမျိုးသမီးရဲ့လှုပ်ရှားမှုကို အကဲခတ် နေတယ်ထင်ပါ့။ ဒါကိုဗိုက်ပူမအမျိုးသမီးက ဘယ်လိုအထာတွေနဲ့ သဘောပေါက်သွားတယ်မသိပါဘူး။ အခန်း ပျက်တစ်ခုထဲကိုလှမ်းဝင်လို့ တံခါးကို 'ဂျိမ်း'ကနဲဆွဲပိတ်လိုက်တာ ကျုပ်ဆိုတာများ သိမ့်သိမ့်ကိုတုန်သွားတာပဲ။ ဒါတောင် အမျိုးသမီးက ထောင်ထောင်မောင်းမောင်း၊ ဗလကောင်းကောင်းဆိုတဲ့အစားထဲက မဟုတ်လို့။ လူက သေးသေးသွယ်သွယ်နိုင်လှတဲ့အပြင် အရပ်ကလည်း ငါးပေမပြည့်တဲ့အရပ်ဆိုတော့ ဒီအမျိုးသမီးနဲ့သူ့ကိုယ်ဝန်က ဘယ်လိုမှ သဟဇာတမဖြစ်လှပါဘူး။ ခပ်လှမ်းလှမ်းကများ အမှတ်မထင်ကြည့်လိုက်မယ်ဆိုရင် လက်မမှာဝက်ခြံ ကြီးကြီးပေါက်နေတဲ့ ပုံစံလောက်ရှိတာကိုး။ ခဏကြာတော့ အမျိုးသမီးကဘာဖြစ်တယ်မသိပါဘူး။ ပြေလျော့နေတဲ့ သူမရဲ့ထမီကိုမနိုင်မနင်းပြင်ဝတ်လို့ ဒရောသောပါးပြေးထွက်လာပြန်တယ်။ ပြီးတော့ အိမ်အောက်ဘက်က ခဲလုံးတစ်လုံးကိုသွားကောက်လို့ သူမရဲ့ အခန်းရှေ့မှာ စည်းသုံးကြောင်းကိုတားနေလေရဲ့။ စည်းတွေလည်းတားပြီးရော သူမရဲ့မျက်နှာက ချက်ချင်းဆိုသလို အရောင်ပြောင်းသွားတယ်။ တစ်ခုခုကိုကျေနပ်စိတ်ချသွားတဲ့ မျက်နှာမျိုးနဲ့ မုတ်ဆိတ်ဖြူကြီးကို သူမက လှမ်းအော် ပြောလိုက်သေးတယ်။ 'စည်းချလို့ပြီးသွားပြီ အဘိုးကြီး၊ ရှင်ဝင်လာလို့မရတော့ဘူး' ပြောပြီးပြီးချင်း အမျိုးသမီးက အခန်းထဲကိုပြန်ဝင်သွားပြန်တယ်။ ဖြေးညင်းနွဲ့နှောင်းတဲ့ ခြေလှမ်းတွေနဲ့ လေ။ ဒီတစ်ကြိမ်တော့ အခန်းတံခါးကိုတောင် ခပ်ကြမ်းကြမ်းဆောင့်မပိတ်တော့ပါဘူး။ သူ့စည်းသူယုံကြည်သွား ပြီကိုး။ မိန်းမတို့ရဲ့သိက္ခာနဲ့ကိုယ့်ကိုယ်ကို ထိန်းသိမ်းစောင့်ရှောက်ရမယ့်အသိဟာ စိတ်မနှံ့နေတဲ့ မိန်းမတစ်ယောက် ဆီမှာတောင် အနည်းနဲ့အများဆိုသလို ရှိနေသေးတာဖြင့် ချီးကျူးချင်စရာ။ မုတ်ဆိတ်ဖြူကြီးကတော့ ပြုံးစိစိမျက်နှာပေးနဲ့ အိမ်ရှေ့ခန်းဘက်မှာပဲ ရှိနေလေရဲ့။ ဘာပဲပြောပြော သူ့ကြည့်ရတာလည်း အဖော်တစ်ယောက်တိုးလာလို့ အားတက်သွားတဲ့ ပုံစံနဲ့လေ။ သူလည်း ကျုပ်ဆီမှာ တစ်ယောက်တည်းနေလာတာကြာပြီပဲလေ။ ပျင်းရှာမှာပေါ့။ (၄) ဗိုက်ပူမ အမျိုးသမီးရောက်လာတာ ဘာကြာသေးလဲ။ သူမနဲ့မုတ်ဆိတ်ဖြူကြီးတောင် ရင်းနှီးမှုဆိုတာ သိပ်ပြီးမရကြသေးပါဘူး။ ကျုပ်ပြဿနာတက်တာလေ။ အဲ့ဒီညက ညဥ့်အတော်နက်နေတဲ့ အချိန်မှာ ဗိုက်ပူမအမျိုးသမီးပေါ့။ သူ့ဗိုက်ထဲက သန္ဓေသားဟာ လူ့လောကထဲရောက်ဖို့ အချိန်တန်လာပြီထင်ပါရဲ့။ ဗိုက်ကိုလက်နှစ်ဘက်နဲ့နှိပ်လို့ ပါးစပ်က သံစုံမြည်နေလေရဲ့။ လူးလှိမ့်နေတာကလည်း တီကောင်ကို ဆားနဲ့တို့ထားသလိုမျိုးပေါ့။ တဒုန်းဒုန်း၊ တဒိုင်းဒိုင်းနဲ့အခန်းတစ်ခုလုံးလည်း သိမ့်သိမ့်တုန်နေလေရဲ့။ အံမယ်။ ဒီတစ်ခါတော့ မုတ်ဆိတ်ဖြူကြီးက အားကိုးရသားလေ။ ဘုရားစင်ရှေ့မှာ ရေတစ်ခွက်ကိုချလို့ ပွစိ၊ ပွစိနဲ့ငါးမိနစ်လောက် ရွတ်ပြီးသကာလ ဗိုက်ပူမအမျိုးသမီးကို 'ဒါလေးသောက်လိုက်'ဆိုပြီး ပေးလိုက်ပါလေ ရော။ အကူအညီတောင်းခံလိုသူ ဘ၀တူအချင်းချင်း စာနာရိုင်းပင်းစိတ်လေး မုတ်ဆိတ်ဖြူကြီး ရင်မှာရှိနေတာဖြင့် ချီးကျူးချင်စရာ။ မုတ်ဆိတ်ဖြူကြီးကိုပဲ ရင်းနှီးမှုအချိန်တောအတွင်းမှာ ယုံကြည်သွားခဲ့လို့လား။ ဒါမှမဟုတ် ဝေဒနာပဲ အလူးအလဲခံစားနေရလို့လားမသိပါဘူး။ ဗိုက်ပူမအမျိုးသမီးက မုတ်ဆိတ်ဖြူကြီးပေးတဲ့ ရေမန်းကိုမော့ သောက်လိုက်တာ ဂလု ကနဲတောင်မြည်တယ်။ ဒါလည်းသိပ်တော့ မကြာလိုက်ပါဘူး။ ဗိုက်ပူမအမျိုးသမီးကတော့ အော်မြဲတိုင်းဆက်ပြီး အော်နေပြန် တယ်။ ကျုပ်လည်းမုတ်ဆိတ်ဖြူကြီးနည်းတူ စိတ်ပူလာတာပေါ့။ လက်မက ၀က်ခြံပေါက်ထွက်ဖို့က အတော်လေး ခက်ခဲဦးမှာဆိုတော့လေ။ ဒီအခြေအနေကို မုတ်ဆိတ်ဖြူကြီးကလည်း ရိပ်စားမိပုံရတယ်ထင်ရဲ့။ 'ကလေးမ . . .အခြေအနေကောင်းရဲ့လား' လို့ ခဏခဏမေးနေရှာတယ်။ ခဏကြာတော့ အိမ်ရှေ့ကို မုတ်ဆိတ်ဖြူကြီးပြေးထွက်သွားတယ်။ ပြေးထွက်သွားတယ်ဆိုပေမယ့်လည်း အိမ်တံခါးကိုကျော်ရုံနဲ့တင် တောင်ဝှေးကိုထောက်လို့ မုတ်ဆိတ်ဖြူကြီးတို့က မူလပုံစံပြန်ရောက်သွားတယ်လေ။ 'သတိဆိုတာ ပိုသည်မရှိမဟုတ်လား'။ တစ်ဆက်တည်းဆိုသလိုပါပဲ။ မုတ်ဆိတ်ဖြူကြီးနဲ့အတူ ဆိုက်ကားသမားတစ်ယောက်နဲ့ဆိုက်ကားတစ်စီးပါ လာတယ်။ လျှပ်တစ်ပြက်အတွင်းမှာပဲ ဗိုက်ပူမအမျိုးသမီးကို ဆိုက်ကားပေါ်တင်လို့ ဆေးရုံလို့ ကျုပ်ထင်ရတဲ့ နေရာတစ်ခုဆီ ခရီးဆက်သွားကြတယ်။ ကျုပ်လည်း ဗိုက်ပူမအမျိုးသမီးအတွက် တောင်းဆုမျိုးစုံချွေလို့ ကျန်ခဲ့ရ တယ်လေ။ အဲ့ဒီမှာတင် ပြဿနာတွေက ကျုပ်ဆီကို အလုံးအရင်းနဲ့ ၀င်လာတော့တာလေ။ မုတ်ဆိတ်ဖြူကြီးတို့ ထွက်သွားတာ ဘာကြာသေးတုန်း။ တောင်းဆုချွေနေတဲ့ ကျုပ်တစ်ချက်လေးငိုက် မြည်းသွားတဲ့ မျက်စိတစ်မှတ်အချိန်ပိုင်းခြားလေးအတွင်းမှာပဲ ဖြစ်ရပ်ဆန်းတစ်ပုဒ်ဟာ ကျုပ်ဆီကိုဆိုက်ဆိုက်မြိုက် မြိုက်ရောက်လာခဲ့တာ။ တစ်နည်းအားဖြင့် ကျုပ်ဆီကိုတတိယမြောက်ရောက်လာတဲ့ နောက်ဆုံးဧည့်သည် အဖွဲ့လို့ပြောရမှာ။ ကျုပ်ရဲ့တတိယမြောက်ဧည့်သည်တွေရယ်လေ။ ကျုပ်ဖြင့်အံ့သြမှုတွေ၊ မယုံကြည်နိုင်မှုတွေနဲ့အကြိမ်ကြိမ်ကို မင်တက်နေမိတာ။ ခေတ်ပေါ်အပြင်အဆင် တွေအပြည့်၊ မျက်နှာမှာလည်း သက်တန့်ထက်ပိုစုံတဲ့ အရောင်မျိုးစုံနဲ့သွက်ချင်တိုင်းသွက်နေတဲ့ အမျိုးသမီးက တစ်ယောက်။ ကြေးနီရောင်သွားတွေကို ကိုယ်စီပိုင်ဆိုင်ထားကြတဲ့ အဆီပြန်မျက်နှာများနဲ့၊ အသားမည်းမည်း ဗိုက်ရွှဲရွှဲကားသမားပုံပေါက်နေတဲ့ အသက်ငါးဆယ်အရွယ်လူကြီးက နှစ်ယောက်။ ကျုပ်စောစောက ပြောခဲ့ပါရောလား။ ညပိုင်းဆို ဂက်(စ်)စောင့်ဖြည့်နေကြတဲ့ ကားတန်းကြီးနားမှာရောင်စုံ မျက်နှာလေးတွေ ရှုပ်ယှက်ခတ်နေကြတယ်ဆိုတာ။ ခပ်ညံ့ညံ့မဟုတ်တဲ့ ကျုပ်ကတော့ ဒီကောင်မလေးဟာ စောစောက ကျုပ်ပြောခဲ့တဲ့ကောင်မလေးတွေထဲက တစ်ယောက်ဆိုတာ သဘောပေါက်လိုက်ပြီ။ 'ဟ . .ဘာတွေလဲဟ' ဆိုတဲ့အကြည့်နဲ့ ကျုပ်က အကဲခတ်နေတုန်းမှာ ဧည့်သည်အဖွဲ့က ကျုပ်ဆီကို တန်းတန်းမတ်မတ်လာလို့ မကြာလိုက်ပါဘူး။ ဗိုက်ပူမအမျိုးသမီးနေတဲ့ အခန်းထဲကိုဝင်သွားကြပါလေရော။ 'ဘာလုပ်ရမလဲ' ဆိုတဲ့အတွေးတွေ ကျုပ်ခေါင်းထဲကို တရစပ်ဆိုသလိုရောက်လာပေမယ့် အဖြေတွေ လည်းမရေရာလှပါဘူး။ အဖြစ်အပျက်တွေက အံ့သြစရာ။ ဗိုက်ပူမအမျိုးသမီးအတွက် ဆုတောင်းပေးနေတဲ့ ကျုပ်ရဲ့ဆုတောင်းတွေတောင်မူ မမှန်တော့ပဲ အိုးနင်း၊ ခွက်နင်း ကသောင်းကနင်းကိုဖြစ်လို့။ ဘာကြာလိုက်မတုန်း။ ဖြစ်ပြီးရင် ပျက်တတ်တာ ဓမ္မတာပဲဥစ္စာ။ ရပ်ကွက်လူကြီးလို့ထင်ရတဲ့ ပုဂ္ဂိုလ်တွေရယ်။ ရဲဝတ်စုံအပြည်နဲ့ပုဂ္ဂိုလ်တွေရယ်။ စုစုပေါင်းလူခြောက်ယောက် ဟာ ဘယ်ကဘယ်လိုရောက်ချလာတယ်မသိပါဘူး။ တိတ်ဆိတ်နေတဲ့ ညဥ့်ကာလမှာဒုန်းဒုန်း၊ ဒိုင်းဒိုင်းအသံတွေနဲ့ အတူ အဆီပြန်နေတဲ့ လူနှစ်ယောက်နဲ့ကောင်မလေးကို အထက်ပါပုဂ္ဂိုလ်တွေက ရုတ်ချည်းဆိုသလိုခေါ်ဆောင်သွား ကြရောလေ။ ဟော . . ။ နောက်နေ့ မနက်မိုးလင်းပြီးဘာကြာသေးတုန်း။ ဗိုက်ပူမ အမျိုးသမီးနဲ့ မုတ်ဆိတ်ဖြူကြီးတို့ရဲ့သတင်းစောင့် မျှော်နေတဲ့ ကျုပ်ဆီကိုတန်းတန်းမတ်မတ်ဝင်လာတာက ပြဿနာတွေလေ။ အဲ့ဒီပြဿနာတွေရဲ့ နောက်ဆက်တွဲ မှာ ကျုပ်၇ဲ့ဘ၀လည်း ပြီးဆုံးသွားရတယ်လို့ပဲ ဆိုပါတော့။ ဘာကြောင့်ဆိုတဲ့ရေရာတိကျတဲ့ အဖြေကို ကျုပ်မရလိုက်ပေမဲ့ ညက ဖြစ်ပျက်ခဲ့တဲ့ကိစ္စရဲ့နောက်ဆက်တွဲဆို တာကို ကျုပ်သဘောပေါက်လိုက်ပြီ။ မုတ်ဆိတ်ဖြူကြီးနဲ့ဗိုက်ပူမ အမျိုးသမီးတို့ရဲ့ခိုလှုံရာကျုပ်ရဲ့ဘ၀ကြီး ဆုံးရှုံးသွား တော့ သူတို့နှစ်ယောက်ရဲ့နောင်ရေးအတွက်တော့ ကျုပ်စိတ်မကောင်းဘူး။ သူတို့နှစ်ယောက်နဲ့ ကျုပ်နေခဲ့တဲ့ အချိန်က နည်းမှမနည်းတာ။ ဒါပေမယ့်လဲ . . ။ ကျုပ်ရဲ့ပိုင်ရှင်က ကျုပ်ကိုအခုလိုဖျက်ဆီးပစ်လိုက်လို့ ဒီနေရာမှာ ကျုပ်မရှိတော့တာပဲကောင်းပါတယ်။ ကျုပ်ကဆက်ပြီးရှိနေဦးမယ်ဆိုရင် တတိယဧည့်သည်တွေလို လူမျိုးတွေရဲ့ ခိုလှုံရာအဖြစ်နဲ့တော့ ကျုပ်ကကျုပ်ရဲ့ ဘ၀ကိုနစ်မွန်းမခံနိုင်ဘူး။ ကျုပ်ဘ၀ကို အရောင်ဆိုးမခံနိုင်ဘူး။ ကျုပ်ဘ၀ရဲ့နောက်ဆုံးနေ၀င်ချိန်မှာ ကျုပ်ဝမ်းနည်းစိတ်အပြည့်နဲ့ မချိပြုံးပြုံးလိုက်တယ်။ ပြီးတော့မုတ်ဆိတ် ဖြူကြီးနဲ့ ဗိုက်ပူမအမျိုးသမီးတို့ကို လမ်းခွဲစကားပြောရတော့မယ့် စိတ်မကောင်းစရာတွေကို အသာထား။ လောလော ဆယ် အချိန်လေးအတွင်းမှာတော့ ဗိုက်ပူမအမျိုးသမီးအခြေအနေကောင်းပါစေလို့ပဲ ကျုပ်ကထပ်တလဲလဲ ဆုတောင်းနေလိုက်တယ်လေ။ ရနံ့သစ်မဂ္ဂဇင်း

'မောင်တို့မျိုးကား တန်ခိုးကြီးမား အားလည်းဖွံ.ချေ ၀တ္ထုတိုစု


ကျွန်တော့်ရဲ့ ဒုတိယမြောက် ၀တ္ထုတိုပေါင်းချုပ်စာအုပ်လေးပါ။
 ''မောင်တို့မျိုးကား တန်ခိုးကြီးမား အားလည်းဖွံ.ချေ ၀တ္ထုတိုစု လို့ အမည်ပေးထားပါတယ်။
မန္တလေး ပိတောက်ရနံ့ စာအုပ်တိုက်ကပဲ ထုတ်ဝေသွားမှာပါ။ 
မျက်နှာဖုံးပန်းချီကို ဆရာဇော်မောင် ရေးဆွဲပေးပါတယ်။
 ဒီစာအုပ်ထဲမှာ မဂ္ဂဇင်းစာမျက်နှာပေါ်မှာ ဖော်ပြခံရပြီးတဲ့ ၀တ္ထုတို ၁၉ ပုဒ်ကိုစုစည်းထားပါတယ်။

၁။မုန်တိုင်းထဲကမြို့.......................................................အလင်ကာဝတ်ရည်မဂ္ဂဇင်း

၂။သဟဇာတ.............................................................ပေဖူးလွှာ

၃။အဖြူရောင်ကြက်ခြေခတ်များ....................................ရွှေအမြုတေ

၎။မိုးခါးရေချိုပါနဲ့လား..................................................ရတီ

၅။သွာနုတ္တသားများ......................................................မဟေသီ

၆။ပြေလမ်းမှာအက်ကြောင်းတွေနဲ့...................................ရွှေအမြုတေ

၇။အပြာရောင်လမ်းကလေး............................................ရတီ

၈။ဝပ်ကျင်း...................................................................Faces

၉။ဂလိုဘယ်ခေတ်ရဲ့ပလုတ်တုတ်တုတ်ဗြုန်း........................ရွှေအမြုတေ

၁၀။မောင်တို့မျိုးကားတန်ခိုးကြီးမား အားလည်းဖွံ့ချေ............ပိတောက်ပွင့်သစ်

၁၁။အလဲအပြောင်းအက်ကြောင်းများစွာ............................Teen (ဖူးငုံ)

၁၂။အ၀ါရောင်ရင်ခွင်......................................................ရွှေအမြုတေ

၁၃။သံသရာမြစ်၏သည်မှာဘက်ကမ်း ဟိုမှာဘက်ကမ်း.........i.con

၁၄။တစ္ဆေတို့ရဲ့တစ်နေ့တာမှတ်တမ်း..................................Treasure Land

၁၅။ကိတ္တိမသား.............................................................ရွှေအမြုတေ

၁၆။ပန်းနုရောင်နေ့စွဲများ................................................ရနံ့သစ

၁၇။အဇ္ဈတ္တပြေးလမ်း......................................................ကလျာ

၁၈။အသဲနှလုံးလေးတွေရောင်းတဲ့ပွဲ..................................ရွှေအမြုတေ

၁၉။နှုတ်ဆက်ကျန်ရစ် လူကျောက်ဆစ်တွေ.......................ကလျာ
back to top